Depatman pou devlòpman ak fòmasyon timoun
Chèche verite ak bote se yon kad aktivite ki pèmèt nou viv tankou timoun pandan tout lavi nou.
Albert Einstein
Nan Depatman pou devlòpman ak fòmasyon timoun nan, n ap prepare timoun Tirivyè yo pou yon vi ki rich e pwodiktif. Atravè divès club tankou club syans, club echèk, club literè, elatriye, ansanm ak anpil lòt aktivite konstriktif, n ap inisye timoun yo nan yon tradisyon entèlektyèl ki ankouraje kiryozite ak panse kritik ki baze sou yon devosyon total ak laverite, bote, kolaborasyon ak jistis.
Depatman pou devlòpman ak fòmasyon timoun nan kanpe sou menm baz filozofik ki soutni misyon SantRova. Alò, tout aktivite depatman an yo ap bati sou menm chema psikospirityèl la.
Yon gwo anvi pou wè, aprann ak konprann ki pouse moun fè rechèch. sinonim: anvi eksplorasyon
rive wè, konnen yon reyalite pou premye fwa; sinonim: envansyon
Kapasite pou kreye; sinonim: enjenyozite
travay ansanm ak lòt moun nan menm bi; sinonim: fè konkou
kapasite yon moun genyen pou l aprann ak konprann, e itilize kapasite sa pou l transfòme anviwònman l ap viv la; sinonim: lespri
pouvwa entèlektyèl ki pèmèt moun wè, konprann e menm konsevwa reyalite ki pa fè pati eksperyans dirèk yo ; kapasite sa ka ede moun dekouvri solisyon orijinal san yo pa viv reyalite sa dirèkteman ; imajinasyon se lespri annaksyon. Sinonim : envansyon, kreyativite
sans yon moun genyen ke li gen devwa anvè yon lòt; sinonim: sans moral
Fè pati yon aksyon oswa yon tach ansanm ak lòt moun.
Gen konprann.
Gadot Joseph
Kowòdanatè
Shetteley Valcin
Kowòdonatè adjwen
Jenny Flore Dalencour
Kowòdonatè adjwen
Men ekip la
Divès club nou yo
Club sa yo dezinye pou timoun premye ane fondamantal, senkan pou pi piti, uitan pou pi gran. Club yo ap rankontre yon fwa pa semenn nan lokal SantRova a. Chak club ap gen 12 manb maximum. Yon ekip ki gen ladan l yon kapitèn ak yon ko-kapitèn, ki soti nan Sosyete Amílcar Cabral, ap dirije chak ekip.
Gen twa tip club :
-
syans
-
echèk
-
literati
Kòdonatè depatman an ap anonse lè enskripsyon ap fèt.
Frè divès
Frè patisipasyon pou club yo se 500 goud pa mwa. Yon timoun ka chwazi patisipe nan plis pase yon club, sèlman si gen plas vid nan yon ekip e si pa gen deman pou plas vid la. Okenn timoun pa ka fè pati plis pase yon club si gen demand pou plas vid yo. Yon timoun ki chwazi patisipe nan de (2) club alafwa ap peye doub frè mansyèl la. Chak club gen depans pa li, alò pa gen rabè ki asosye ak patisipasyon nan plis pase yon club.